រដ្ឋមន្រ្តីបរិស្ថាន៖ យុទ្ធនាការ ”កម្ពុជាស្អាត ខ្មែរធ្វើបាន” គឺមានសារៈសំខាន់ នឹងជួយឱ្យប្រទេសស្អាត រស់នៅស្អាត និងទាក់ទាញភ្ញៀវទេសចរណ៍

ត្បូងឃ្មុំ៖ ក្នុងយុទ្ធនាការថ្មីដែលមានឈ្មោះថា ”កម្ពុជាស្អាត ខ្មែរធ្វើបាន” ជាកម្មវិធីមួយដែលមានសារៈសំខាន់ ចំពោះប្រជាពលរដ្ឋដោយក្នុងនេះក្រៅពីជួយឱ្យប្រទេសស្អាត ភូមិឃុំស្អាត ហើយនៅជួយឱ្យទាក់ទាញវិស័យទេសចរណ៍ថែមទៀត។ លោកលេីកឡេីងដូចនេះ ក្នុងពីធីប្រកាសបើកយុទ្ធនាការកម្ពុជាស្អាត ខ្មែរធ្វើបាន នៅទូទាំងស្រុកអូរាំងឪនៅព្រឹកថ្ងៃទី១៧ ខែ ឧសភា ឆ្នាំ ២០២៤។

លោក អ៊ាង សុផល្លែត រដ្ឋមន្រ្តីក្រសួងបរិស្ថាន បានឱ្យដឹងថា ក្នុងយុទ្ធនាការថ្មីនេះសង្ឃឹមថា នឹងទទួលជោគជ័យបន្ថែមទៀត ក្រោយពីយុទ្ធនាការកាត់បន្ថយប្លាស្ទិកប្រើពេលមិនដល់មួយឆ្នាំដោយទទួលបានជោគជ័យរួចមក។ សម្រាប់យុទ្ធនាការថ្មីនេះក្រសួងរំពឹងថា អាចនឹងទទួលជោគជ័យក្នុងរយៈពេល១ឆ្នាំ ដោយជោគជ័យនេះគឺ សំដៅទៅលើតាមភូមិទូទាំងប្រទេសកម្ពុជារួមគ្នាចេញមកសម្អាតជុំវិញផ្ទះ ជុំវិញសាលារៀន មន្ទីរពេទ្យ វត្តអារាមដែលពេលនោះប្រទេសយើងនឹងស្អាតហើយ។

លោក បណ្ឌិត អ៊ាង សុផល្លែត បានបញ្ជាក់បន្ថែមថា ផ្តើមចេញពីស្រុកអូរាំងឪ និងផ្តើមដាក់ចេញនៅយុទ្ធនាការ ថ្ងៃនេះខ្ញុំមិនប្រើប្រាសថង់ផ្លាសស្ទិក រហូតដល់ពេលនេះមានប្រជាជនជាងពាក់កណ្តាល ពោលគឺ លើសពី៥០ភាគរយ បានរួមគ្នាកាត់បន្ថយប្រើប្រាស់ប្លាស្ទិកដែលទាំងនេះបង្ហាញថា ពួកគាត់បានយល់ពីផលប៉ះពាល់បា្លស្ទិក។

តាមរយៈយុទ្ធនាការកាត់បន្ថយប្លាស្ទិកកន្លងមកឃើញថាចំនួនថង់បា្លស្ទិកនាំចូលប្រទេសកម្ពុជាកន្លងមកមានចំនួន៧៥%ហើយ ដោយក្នុងនេះនៅសល់តែ២៥ភាគរយទៀតទេ។ ដូចនេះដល់ពេលពលរដ្ឋចេញមកសម្អាតតាមភូមិឃុំហើយ នឹងមិនជោគជ័យ១០០%ទេ តែយ៉ាងហោចណាស់ក៏៨០ទៅ៩០%ដែរ។

លោក អ៊ាង សុផល្លែត បានថ្លែងបញ្ជាក់ថា សម្រាប់យុទ្ធនាការថ្មីនេះ ដល់ពេលចេញមកសំអាតតាមផ្លូវ តាមផ្ទះត្រូវតែជួយគ្នា។
ក្រសួងបរិស្ថានបានបើកយុទ្ធនាការថ្ងៃនេះខ្ញុំមិនប្រើថង់ប្លាស្ទិកទេ ជាយុទ្ធនាការដើម្បីកាត់បន្ថយដល់កម្រឹតមួយ ដែលថាថង់ប្លាស្ទិកបោះចោលបានលើសចំនួន៥០% នៃចំនួនប្រជាជនកម្ពុជា ដើម្បីដាក់យុទ្ធនាការបន្ត សម្អាតកម្ពុជា ខ្មែរធ្វើបាន ដើម្បីឱ្យកាត់បន្ថយឱ្យច្រើនជាអតិបរិមាសិន បើកាត់បន្ថយមិនបានច្រើន មិនបានលើស៥០ភាគរយនោះ ប្រមូលសំអាតក៏អត់ជោគជ័យដែរ មានន័យថា ការពារសិន ហើយព្យាបាល ហើយកម្ពុជាស្អាត ខ្មែរធ្វើបានគឺជាជោគជ័យរបស់ខ្មែរ៕